Aalongwa ye li 150 yatidhwa momuhandjo moolwiizemo ya nkundipala

Ku Marianne Nghidengwa

Ku Marianne
Nghidengwa
AALONGWA ye li ethele nomi­longotano yo yo mondondo ontimu­longo nayimwe poskola yo pombanda yedhina Mwadikange Kaulinge moshitopolwa shaHan­gwena oya li ya tidhwa momuhandjo gwenon­gelo ndyoka konima sho ya li ya mono iizemo yankindipala miilong­wa ngaashi Oshiingilisa nOmwaalu omumvo gwa zi ko.
Aalongwa mbaka ngashiingeyi oye li ya yuga aniwa ontanda pondje yenongelo ndyo­ka mpoka aniwa yamwe yomaalongwa yadhika­po nokuli uundunda wawo wokulala ompan­ga yamwe ya taya zi mo­magumbo gaayeni ngo­ka ge li popepi noskola.
Aalongwa mboka taku ti oye li pomim­vo dho 17 sigo 20 ota­ya hupu shokadhila, nashika osha holola omadhilaadhilo nuutile maakuluntu naatonateli yayo kutya onkalo nd­jika otayi vulu okutula aakadhona muumb­wanda ompanga aama­ti otaya vulu okuya miilonga yuufuthi opo ya konge uuhupilo.
Ota ku hokololwa kutya uunona umwe mboka wa ninga nawa miilongwa yimwe ihe owa ndopa Oshiingilisa nOmwaalu owa thigi po oskola ndjoka.
Omukuluntusko­la penongelo ndyoka omusamane Leonard Mwiya mOmaandaha goshiwike shika okwa zimine kutya aalongwa yevule pethele nomi­longotano oya li ya tidhwa mo momuhand­jo. Okwa popi wo kutya oyendji yomuyo mbo­ka ya li ya tidhwa mo momuhandjo oomboka kayena omikalo.
Okwa gwedha po wo kutya omuhandjo ogu udha nashika ohashi eta opo omunino gonyata gu tope iikando olundji. Otati wo shika osha eta opo elelo lyoskola li ete­po edhilaadhilo lyoku shonopeke omwaalu gwaanaskola mohoste­la okuza pomwaalu go 640 okuya pomwaalu gwaalongwa yeli 520.
“Ongashi naanaa weshitseya, omuhandjo kagushi gomunasko­la kehe. Ngashiingeyi omwa pumbwa owala okukala aanaskola yeli 512, inashifa ngaas­hi nale twa li tuna mo aanaskola yeli 640. Omo lominino dho­nyata hadhi topa no­sho wo ompumbwe yiilongithomwa yil­we, otwa tokola opo aanaskola yamwe ya ze mo momuhandjo,” osho omusamane Mwiya afatulula.
Okwa ti wo opena wo edhilaadhilo oku galulila momuhandjo aalongwa yamwe mbo­ka ya li ya tidhwa mo nonande kapena natan­do edhilaadhilo lyokut­amununamo omuhand­jo.
“Otwa li tatu wapalekulula omunino gonyata omolwaalong­wa oyendji mboka yali momuhandjo ndyoka olyo lya li elalakano lyetu lyokukutha mo aalongwa yamwe . otu wete wo kutya aalong­wa mbaka oya pumbwa okulongitha ethim­bo lya wo mokwiitula momeyilongo lyawo ihe hametangalalo. Otashi limbilike ngaas­hingeyi kutya yamwe yomaanaskola opamwe naakuluntu yawo kaya uvitile ombili etokolo ndika ashike yamwe yomuyo oya kuthwa mo momuhandjo omolo­mikalo omiwinayi dho­ka taya holola,” osho omusamane Mwiya apopi.
Aalongwa yam­we mboka ya li ya ya eta ekemo lya wo ko­shifokundaneki shika oya ti nonande menon­delo omuna oondunda dhimwe kadhina aantu oya li ya lombwelwa ya longe nuudhigini­ni ngele oya hala oku shunithwa momuhand­jo.
Oya ti wo ngashiing­eyi yamwe ohaya futu oondola omilongo nta­no noshowo oondola omathele gaali poontele mpoka haya zi sho taya yi kenongelo.
“Oyendji yomutse ohatu zi komikunda dho kokule moshito­polwa, onkene katuna mpoka tatu zi, itatu vulu wo oku enda oku za komikunda hoka twa za tu ye koskola oshoka okokule. Otwa za wo pomagumbo pwatoka onkene okashona hoka twa li hatu mono momuhandjo oka li kagwana owala. Ash­ike molwaashoka otwa tidhwa momu­handjo, otwi iyadha monkalo odhigu. Ota tu ilongo nuudhigu,” osho aalongwa yam­we yakuthileko onzonkundana ndjika.
Aalongwa yamwe oya lombwele wo os­hifokundaneki shika kutya aalongwa yam­we unene aamati mboka ya tidhwa momu­handjo oye li ngashiingeyi taya longitha nayi iikolitha uuna ya zimbuka kootundi dhawo.
“Yamwe yomutse ohaya lala inaya lya. Inatu pitikwa okulya momuhandjo osho­ka otwa tidhwa mo. Aakuluntu yetu itaya vulu oku tulandela iikulya, momuhandjo otwa li tu li nawa,” osho omulongwa gum­we afatulula.
Sho ayiwa naye moonkundathana Ngoloneya goshitopolwa shaHangwena omusamane Usko Nghaamwa okwa lomb­wele onzonkundana ndjika kutya inaya uva shoka tashi inyenge penongelo lyo­pombanda lya Mwadikange Kaulinge.

Comments

comments